Como chegar ao castro

Neste mapa de Google Maps podes observar a localización do castro.

Recomendacións de acceso:

Chegamos a Cereixa circulando pola estrada LU-652 que cruza toda a parroquia. Vindo de Lugo atopamos un desvío á esquerda que nos indica o barrio de Zapateira (vindo de Ponferrada-Monforte de Lemos este desvío queda á dereita). Esta pista asfaltada vai a rentes do río Saa e vai conectando os lugares de Zapateira e Alende.


Aquí tes o desvío da LU-652 cara a Zapateira e Alende.

Ao chegar á altura da última casa deste barrio de Alende continuamos todo recto 200 m. Aquí podes deixar o coche nun lameiro á esquerda da estrada. De aquí parte un antigo camiño de acceso á antiga canteira ubicada ao pé da cara SW do castro de Alende. Camiñamos 230 metros por este camiño polo que entramos directamente á croa do castro.