A matanza de Texas

Chourizos no sarillo dunha casa cereixana

Chourizos no sarillo dunha casa cereixana

O noso proxecto do castro de San Lourenzo ten unha clara vontade de internacionalización. Nos nosos cuarteis de inverno seguimos a investigar os restos asoellados nas nosas escavacións tanto no castro como na casa de Repil. É hora de dar a coñecer os primeiros resultados, e para iso están os congresos científicos. A comezos de xaneiro, antes de Reis, o noso equipo (representado polo Dr. Carlos Tejerizo) presentará unha comunicación na SHA Conference on Historical and Underwater Archaeology a celebrar en Fort Worth, Texas. Aí falaremos da Arqueoloxía da represión franquista a través de exemplos que coñecemos ben, coma o campo de concentración de Castuera (Badaxoz) ou a casa de Repil na que se librou o combate do 20 de abril de 1949. Así tentamos acadar un dos obxectivos sobranceiros desta iniciativa: poñer Cereixa no mapa do mundo mundial.

Folla de coitelo atopada na escavación arqueolóxica da casa de Repil

Folla de coitelo atopada na escavación arqueolóxica da casa de Repil